تاثیر،۸فروری ۲۰۲۴:- ایس -ایم- حسن
نئی دہلی،8فروری:دہلی کے گوکل پوری میٹرو اسٹیشن کا ایک حصہ منہدم ہوگیا۔ میٹرو اسٹیشن سے کچھ ملبہ گرنے کی وجہ سے ایک شخص دب گیا (دہلی میٹرو اسٹیشن کولپس)، اسے ملبے سے نکال لیا گیا ہے۔ کچھ موٹر سائیکلیں بھی ملبے تلے دب گئی ہیں جنہیں نکالا جا رہا ہے۔ اس واقعہ سے پورے علاقے میں کہرام مچ گیا ہے۔ ریسکیو ٹیم اور فائر ڈیپارٹمنٹ کی ٹیم موقع پر پہنچ گئی ہے۔ نیوز کے مطابق چلتی میٹرو لائن کی سائیڈ سلیب کا ایک حصہ گر گیا، اس واقعے میں اب تک ایک شخص جاں بحق جب کہ 4 افراد زخمی بتائے جا رہے ہیں۔ متوفی کی تاحال شناخت نہیں ہو سکی ہے۔ ڈی ایف ایس ملازمین نے ملبے تلے دبے دو افراد کو نکال کر جی ٹی بی ہسپتال پہنچایا۔ دیگر دو افراد کو ڈی ایف ایس یونٹ کی آمد سے پہلے ہی ہٹا دیا گیا تھا۔ اس واقعہ میں کچھ موٹر سائیکلوں کو بھی نقصان پہنچا۔ گوکل پوری ڈی ایف ایس کی ایک یونٹ کو اسٹینڈ بائی پر رکھا گیا ہے کیونکہ سلیب کا ایک حصہ ابھی بھی وہاں لٹکا ہوا ہے۔