تاثیر،۱۳مارچ ۲۰۲۴:- ایس -ایم- حسن
گوپال گنج، 12 مارچ:بہار کے گوپال گنج میں زمین تنازعہ میں تیزاب سے حملے کا واقعہ پیش آیا۔ واقعے میں ایک کی موت ہو گئی ، جب کہ دو شدید زخمی ہو گئے۔ یہ واقعہ ضلع کے ہتھوا تھانہ علاقہ کے مچھاگر جگدیش مٹھیا گاو?ں میں پیش ا?یا ، جہاں دو فریقین کے درمیان جاری زمینی تنازعہ کی وجہ سے پیر کی رات زبردست مارپیٹ ہوئی۔
واقعہ کے تناظر میں بتایا جاتا ہے کہ کیتن ساہ اور ویریش پوری کے درمیان گزشتہ دو سال سے زمین کا تنازع چل رہا ہے۔ اسی دوران پڑوسی دھرمیندر پوری کے گھربارات ا?ئی ہوئی تھی کہ دونوں فریقوں میں جھگڑا ہو گیا اور کچھ ہی دیر میں دونوں طرف سے لاٹھیوں کا استعمال شروع ہو گیا۔ اس دوران کیتن ساہ کو بری طرح پیٹا گیا جس کی وجہ سے وہ بری طرح زخمی ہو گئے۔
جس کے بعد اہل خانہ نے کیتن ساہ کو صدر اسپتال میں داخل کرایا جہاں اس کی موت ہوگئی۔ جس کے بعد یہ الزام لگایا جا رہا ہے کہ متوفی کے اہل خانہ نے ویریش پوری کے بیٹوں منیش پوری اور رتیش پوری پر تیزاب سے حملہ کیا جس سے دونوں بری طرح جھلس گئے۔ زخمیوں کے اہل خانہ نے دونوں کو تشویشناک حالت میں علاج کے لیے داخل کرایا جہاں سے ڈاکٹر نے ان کی حالت نازک دیکھتے ہوئے انہیں بہتر علاج کے لیے گورکھپور ریفر کر دیا۔
واقعے کی اطلاع ملتے ہی پولیس نے موقع پر پہنچ کر فوری کارروائی کرتے ہوئے دو افراد کو حراست میں لے لیا جب کہ دیگر کی گرفتاری کے لیے چھاپہ ماری کی جارہی ہے۔ پولیس نے لاش کو پوسٹ مارٹم کے لیے صدر اسپتال بھیج دیا۔
اس سلسلے میں متوفی کی بیوی گڈی دیوی نے بتایا کہ گزشتہ دو سال قبل ملزم نربھئے پوری جو کہ اس وقت وارڈ ممبر ہے، اس نے میری نجی زمین پر قبضہ کر لیا۔ وہ ہم پر اس زمین پر ا?نگن باڑی بنانے کے لیے دباو? ڈال رہے تھے ، لیکن ہم مندر بنانا چاہتے تھے۔ اس بات پر ان کے ساتھ جھگڑا ہوا۔ پیر کی رات ملزم کے رشتہ داروں میں بارات ا?ئی تھی۔ باراتیوں کی بس میرے گھر کے قریب روکی گئی۔ بارات میں شامل لوگ میرے میکے کے تھے۔ اسی دوران اس کا شوہر ان لوگوں سے باتیں کر رہے تھے۔تبھی دوسرے فریق کے لوگوں نے حملہ کر دیا۔