ایس ڈی او کی قیادت میں ووٹر بیداری مہم چلائی گئی

 سہرسہ 22 اپریل (سالک کوثر امام)  لوک سبھا انتخابات 2024 کے پیش نظر اتوار کو سلکھوا بلاک کے دیارہ علاقے میں واقع الانی کے چریا گاؤں اور کبیرہ پنچایت میں ووٹر بیداری مہم چلائی گئی، جس میں مقامی لوگوں بالخصوص خواتین اور نوجوانوں نے بڑے جوش و خروش کے ساتھ حصہ لیا۔

 اس دوران سب ڈویژنل آفیسر انیشا سنگھ، بلاک ڈیولپمنٹ آفیسر مدھو کماری، چائلڈ ڈیولپمنٹ پروجیکٹ آفیسر شویتا پرساد نے موٹر سائیکل ریلی، سیویکا سہائیکا ریلی، آشا دیدی ریلی اور پدیاترا کو ہری جھنڈی دکھا کر روانہ کیا۔  اس موقع پر بی ای او، بی پی ایم جیویکا، خاتون سپروائزر سونی سونم، ممتا، بندو کماری کے ساتھ بڑی تعداد میں آنگن واڑی کارکنان، ہیلپر، جیویکا دیدی اور مقامی لوگ موجود تھے۔  آنگن واڑی ورکرس نے دلکش رنگولی بنائی اور عام لوگوں سے ووٹ ڈالنے کی اپیل کی۔  اس موقع پر اپنے خطاب میں سب ڈویژنل آفیسر نے کہا کہ ووٹنگ جمہوریت کا عظیم تہوار ہے اور آپ کا ڈالا ہوا ہر ووٹ قیمتی ہے۔  ووٹنگ کا حق ہر ہندوستانی کا حق ہے اور ہر شہری کو اس حق کا استعمال کرنا چاہیے۔  بلاک ڈیولپمنٹ آفیسر نے کہا کہ حکومتیں آپ کے ووٹوں سے ہی بنتی ہیں۔  جمہوریت میں آپ کے ووٹ کی بہت اہمیت ہے، اس لیے اپنا حق رائے دہی استعمال کرنا ہر فرد کا فرض ہے۔  چائلڈ ڈیولپمنٹ پروجیکٹ آفیسر نے تمام کارکنان، معاونین اور جیویکا دیدیوں پر زور دیا کہ وہ گھر گھر جا کر لوگوں کو ووٹنگ کے بارے میں آگاہ کریں۔  پروگرام میں لوگوں کا جوش و خروش قابل دید تھا۔  لوگوں نے ووٹ ضرور ڈالنے اور دوسروں کو بھی ترغیب دینے کا عہد لیا، ووٹر بیداری پروگرام کے تحت سب ڈویژنل آفیسر کی طرف سے ووٹروں کو دعوتی خطوط دیے گئے۔  اس موقع پر مقامی لوگوں کے ساتھ اساتذہ بھی موجود تھے۔