تاثیر،۲۷ مئی ۲۰۲۴:- ایس -ایم- حسن
نوادہ ، 27 مئی:نوادہ میں محکمہ امتناعی اور آبکاری کی ٹیم نے پیر کے روز بین ریاستی سرحد پر واقع رجولی چیک پوسٹ پر ایک بس کی تلاشی کے دوران غیر ملکی شراب اور بیئر کے ساتھ ایک خاتون اسمگلر کو گرفتار کیا۔
پروڈکٹ ٹیم کو خواتین اسمگلر گینگ کے ذریعے بس سے شراب کی اسمگلنگ کئے جانے کی اطلاع ملی تھی۔ اطلاع ملنے پرا?بکاری کے سپرنٹنڈنٹ ارون کمار مشرا نے ہر بس کی سختی سے تلاشی لینے کی ہدایت دی۔ اس روشنی میں جانچ ٹیم نے جھارکھنڈ سے آرہی سیارام رتھ نامی بس جس کا رجسٹریشن نمبر بی آر 27 بی 4615 تھا۔ اسے جانچ کے لئے چیک پوسٹ پر روکا۔ سخت تلاشی کے دوران ایک خاتون کو شراب کے بیگ کے ساتھ گرفتا رکر لیا گیا۔
گرفتار خاتون اسمگلر شراب کی کھیپ لے کر کوڈرما سے بہار شریف جارہی تھی۔ گرفتار خاتون روبی خاتون نالندہ ضلع کے بہار شریف تھانے کے چھجو محلہ کے محمد عرفان کی بیوی بتائی جاتی ہے۔ اس کے قبضے سے غیر ملکی شراب کی 30 بوتل برا?مد ہوئیں۔ جس میں رائل سٹیگ وہسکی کی 750 ملی لیٹر کی 6 بوتلیں اور گاڈ فادر بیئر کی 500 ملی لیٹر کی 24 بوتل شامل ہیں۔
اس کا کل مقدار 16.5 لیٹر لگایا گیا تھا۔ پوچھ گچھ کے دوران خاتون نے بتایا کہ وہ کوڈرما سے شراب لے کر بہار شریف جارہی تھی۔ واضح ہو کہ مقامی پولیس شراب اسمگلروں کے خلاف مسلسل چھاپہ ماری کرہی ہے۔