تاثیر،۴ مئی ۲۰۲۴:- ایس -ایم- حسن
رانچی، 04 مئی: اراضی گھوٹالے کے ملزم سابق وزیر اعلیٰ ہیمنت سورین کی ضمانت کی عرضی پر ہفتہ کو ای ڈی کے خصوصی جج راجیو رنجن کی عدالت میں سماعت ہوئی۔ اس دوران ہیمنت سورین اور ای ڈی کی طرف سے عدالت میں تحریری دلائل پیش کئے گئے۔ اس کے بعد اب عدالت کے فیصلے کا انتظار ہے۔ اس سے پہلے 30 اپریل کو ہیمنت سورین کی ضمانت پر دونوں طرف سے ایک گھنٹے سے زیادہ بحث ہوئی تھی۔ بحث کے دوران ایک طرف دفاعی فریق نے ہیمنت سورین کو ضمانت دینے کے لیے دلائل پیش کیے۔ دوسری طرف، ان کے دلائل کی ای ڈی نے سخت مخالفت کی۔
جیل میں بند سابق وزیر اعلیٰ ہیمنت سورین نے ایک وکیل کے ذریعے ضمانت کی درخواست دائر کی ہے۔ اس معاملے کے اہم ملزم سابق وزیر اعلیٰ ہیمنت سورین اور بڑگائیں علاقہ کیحلقہ ملازم بھانو پرتاپ اس وقت برسا منڈا سنٹرل جیل میں عدالتی حراست میں بند ہیں۔