تاثیر۳۰ جولائی ۲۰۲۴:- ایس -ایم- حسن
نئی دہلی، 30 جولائی : تمل ناڈو کے وزیر اعلیٰ ایم کے اسٹالن نے کیرالہ کے وزیر اعلیٰ پنارائی وجین سے فون پر وائناڈ میں لینڈ سلائیڈنگ کی صورتحال کے بارے میں بات کی اور ریاست کو ہر ممکن مدد کا یقین دلایا۔ ایم کے اسٹالن نے منگل کو ٹویٹر پر اپنے پیغام میں کہا کہ وایناڈ میں بڑے پیمانے پر لینڈ سلائیڈنگ اور اس کے نتیجے میں قیمتی جانوں کے ضیاع کے بارے میں جان کر بہت دکھ ہوا ہے۔ مجھے بتایا گیا ہے کہ بہت سے لوگ اب بھی علاقے میں پھنسے ہوئے ہیں۔ مجھے یقین ہے کہ ریسکیو آپریشن جو زوروں پر ہے ان سب کو بچائے گا۔ انہوں نے لینڈ سلائیڈنگ میں ہلاک ہونے والوں کے اہل خانہ سے تعزیت کا اظہار کیا اور تمل ناڈو حکومت کی طرف سے ہر ممکن مدد کا یقین دلایا۔
ایم کے اسٹالن نے کیرالہ حکومت کی مدد کے لیے دو آئی اے ایس کیڈروں کی قیادت میں ایک ریسکیو ٹیم بنانے کا بھی حکم دیا۔ وہ فوری طور پر کیرالہ کے لیے روانہ ہو رہے ہیں۔ اسٹالن نے ایکس پوسٹ میں کہا کہ تمل ناڈو حکومت نے بھی کیرالہ حکومت کو راحتی اقدامات کے لیے چیف منسٹر فنڈ سے 5 کروڑ روپے جاری کرنے کا حکم دیا۔ اس کے ساتھ جوائنٹ ڈائریکٹر کی سربراہی میں فائر ریسکیو ڈپارٹمنٹ کے 20 ماہرین، اسٹیٹ ڈیزاسٹر مینجمنٹ اتھارٹی کے 20 ارکان، 10 ڈاکٹروں اور نرسوں پر مشتمل ایک میڈیکل ٹیم آج ہی کیرالہ کے لیے روانہ ہو رہی ہے۔