ضلع پریشد صدر آفتاب عظیم نےمٹیاری کے”گوگرا”مسافر خانے کافیتا کاٹ کرکیا افتتاح۔

ارریہ :-  ( مشتاق احمد صدیقی ) ضلع پریشد صدر ارریہ محترم  آفتاب عظیم عرف پپو عظیم اور ضلع پارشد محمد وعظ الدین اور مٹیاری پنچایت کے مکھیا نے گزشتہ کل ضلع کے جوکی ہاٹ بلاک کی مٹیاری پنچایت کے مکھیا اور نائب مکھیا نے مشترکہ طور پر گوگرا چوک، وارڈ نمبر 2 میں مسافر شیڈ کا فیتا کاٹ کر افتتاح کیا، اس موقع پر علاقے  کے لوگوں کی بڑی تعداد موجود تھی، یہ مسافر خانہ 7 لاکھ چھپن ہزار روپے کی لاگت سے تعمیر کیا گیا ہے، جس سے یہاں کے لوگ کافی خوش ہیں۔ گوگرا چوک میں اس مسافر خانے کی تعمیر کے مہمان خصوصی ضلع کونسل کے چیئرمین آفتاب عظیم پپو نے لوگوں سے خطاب کرتے ہوئے کہا کہ عوامی مفاد میں اس چوک پر مسافر شیڈ کی ضرورت کافی عرصے سے محسوس کی جا رہی تھی۔ ہمارے بھائی اور اس علاقے کے ضلع پارشد محترم وعظ الدین نے اس کی تعمیر کی تجویز دی اور ضلع کونسل نے بھی ضرورت کو مدنظر رکھتے ہوئے یہ مسافر خانہ تعمیر کیا ہے، جس سے بارش اور گرمی میں یہاں کے لوگوں کو کافی فائدہ پہنچے گا۔ اس لئے آپ لوگوں کو اس کی دیکھ ریکھ اور صاف صفائی کا خیال رکھنا پڑے گا، بہار کے لوگوں کے وکاس کے بیٹے، وزیر اعلیٰ نے بہار میں لوگوں اور علاقوں کو جوڑنے کے لئے سڑکوں کی جال بچھا دی ہے۔ نتیش کمار نے بہار کا چہرہ ہی بدل دیا ہے اور اسے ہندوستان کے نقشے پر ایک باوقار مقام عطا کیا ہے۔  آفتاب عظیم نے خصوصی طور پر مقامی ڈسٹرکٹ کونسلر وعظ الدین کو اس کام پر دلی مبارکباد دی۔