تاثیر ۱۹ اگست ۲۰۲۴:- ایس -ایم- حسن
بھوپال، 19 اگست: مدھیہ پردیش میں مانسون نے اپنی رفتار کم کر دی ہے۔ لیکن ریاست کے کچھ اضلاع میں بارش ابھی تک نہیں رکی ہے۔ اب تک، ریاست میں 28.5 انچ بارش ہوئی ہے، جو اس موسم کے 76 فیصد سے زیادہ ہے۔ آج پیر کو بھی چھندواڑہ، ستنا، سیدھی، دھار اور بڑوانی میں تیز بارش ہوسکتی ہے۔ بارش کا زور دار سسٹم منگل سے فعال ہو جائے گا۔ اس کی وجہ سے 21 اور 22 اگست کو پوری ریاست میں زبردست بارش ہوگی۔
محکمہ موسمیات کے مطابق سائیکلونک سرکولیشن سسٹم خلیج بنگال میں لو پریشر ایریا کے طور پر فعال ہے۔ یہ آگے بڑھے گا۔ مانسون کی ٹرف لائن بیکانیر سے سیدھی ہوتے ہوئے سائیکلونک سرکولیشن میں ضم ہو رہی ہے۔ دوسرے نظام بھی فعال ہیں۔ اس کی وجہ سے مدھیہ پردیش میں بارش کا موسم واپس آئے گا۔ اتوار کو بھی کچھ اضلاع میں پانی گرا ہے۔ سیدھی میں 3 انچ،امریا میں 2.5 انچ اور بالاگھاٹ ضلع کے ملاجکھنڈ میں آدھے انچ سے زیادہ بارش ہوئی۔ بیتول، گوالیار، نرمداپورم، منڈلا، ریوا، ستنا، سیونی میں بھی ہلکی بارش ہوئی۔
اس بار مانسون کے موسم میں ریاست کے جبل پور، بھوپال اور نرمداپورم ڈویژن میں اچھی بارش ہوئی ہے۔ جبل پور ڈویژن کے منڈلا اور سیونی وہ اضلاع ہیں جہاں سب سے زیادہ پانی گرا ہے۔ منڈلا میں 42 انچ اور سیونی میں 41 انچ سے زیادہ بارش ہوئی ہے۔ بھوپال میں 33 انچ پانی گرا ہے جو سیزن کا 90 فیصد تک ہے۔ ریاست کے 20 اضلاع میں 30 انچ سے زیادہ بارش ہوئی ہے۔ اندور، اجین اور ریوا ڈویژن میں کم بارش ہوئی ہے۔
ریاست میں گزشتہ دو دنوں سے تیز بارش کا دور تھم گیاہے، لیکن ڈیم اور تالابوں میں پانی کی آمد اتوار کو بھی جاری رہی۔ کولار، بانساگر، کنڈالیہ، برگی، اندرا ساگر، اومکاریشور، کلیا سوت، بھدبھدا، کیروا سمیت دیگر ڈیموں میں پانی بڑھ گیا ہے۔ محکمہ موسمیات کے مطابق آنے والے دنوں میں شدید بارش ہوں گی۔ اس سے پانی بڑھے گا اور ڈیم کے دروازے ایک بار پھر کھل جائیں گے۔