تاثیر ۸ ستمبر ۲۰۲۴:- ایس -ایم- حسن
ممبئی،8 ستمبر:گنپتی بپا کو لے کر پورے ملک میں جوش و خروش کا ماحول ہے۔ بپا جی فلمی دنیا کی کئی مشہور شخصیات کے گھر بھی پہنچ چکے ہیں۔ ہر سال کی طرح اس سال بھی گنپتی بپا بالی ووڈ کنگ شاہ رخ خان کے ‘منت’ بنگلے میں پہنچے ہیں۔ شاہ رخ کے گھر میں رسم و رواج کے مطابق بپا کی پوجا کی گئی۔ شاہ رخ خان نے اپنے گھر سے گنپتی بپا کی تصویر سوشل میڈیا پر شیئر کی۔ انسٹاگرام پر بپا کی آمد کی تصویر شیئر کرتے ہوئے شاہ رخ خان نے کیپشن میں لکھا، ‘گنیش چترتھی کے اس پرمسرت موقع پر، گنپتی بپا ہم سب کو اور ہمارے اہل خانہ کو صحت، محبت اور خوشیوں سے نوازے… اور ہاں، بہت ساری موڈکس بھی۔ شاہ رخ کے مداح اس پوسٹ پر خوب کمنٹس کر کے ان کی تعریف کر رہے ہیں۔ ان کی جانب سے شیئر کی گئی یہ تصویر سوشل میڈیا پر موضوع بحث بن گئی ہے۔ یہ تصویر سوشل میڈیا پر وائرل ہو رہی ہے حالانکہ شاہ رخ خان کا مذہب الگ ہے لیکن وہ گنیش اتسو سے لے کر دیوالی تک تمام تہوار بڑے دھوم دھام سے مناتے ہیں۔ شاہ رخ ایک سیکولر اداکار کے طور پر جانے جاتے ہیں۔ ہر سال گنپتی بپا ‘منت’ بنگلے میں رہتے ہیں۔ شاہ رخ کے کام کی بات کریں تو وہ فلم ‘کنگ’ میں نظر آئیں گے۔ دلچسپ بات یہ ہے کہ وہ اس فلم میں بیٹی سہانا خان اور ابھیشیک بچن کے ساتھ نظر آئیں گے، جس کی شوٹنگ اس وقت جاری ہے۔