مفت طبی کیمپ کا ا نعقاد

بتیا 29 ستمبر (محمد قمرالزماں)

لائف کیئر نرسنگ ہوم، ریڈ کراس سوسائٹی اور اولڈ از گولڈ آرگنائزیشن کے اشتراک سے نیا بازار بتیا میں واقع کلینک میں ایک مفت طبی کیمپ کا انعقاد کیا گیا۔  ریڈ کراس کے سیکرٹری ڈاکٹر جگموہن کمار اور کیمپ کوآرڈینیٹر کم ہسپتال کے ڈائریکٹر ڈاکٹر انتشار الحق نے کہا کہ ہمارا مقصد دکھی انسانیت کی خدمت کرنا ہے۔  اس کیمپ میں سینکڑوں مریضوں کا مفت علاج کیا گیا۔  اولڈ از گولڈ کی طرف سے ادویات بھی مفت دی گئیں۔  اس کیمپ میں میدانتا لیبارٹری اور آدرش لیبارٹری کی طرف سے بلڈ شوگر اور ہیموگلوبن کی مفت جانچ کی سہولت فراہم کی گئ ۔  اس کے ساتھ ہی مریضوں نے دیگر تمام اقسام کے ٹیسٹوں میں بھاری رعایت کا فائدہ اٹھایا۔  آدرش لیبارٹری کے ڈاکٹر دلنواز حسین، دیپک کمار، یووراج کمار، میدانتا لیبارٹری کے رنجیت کمار، کملیش مشرا، اولڈ از گولڈ کے نمائندے لال بابو راوت، محمد شہاب الدین، اقبال صبا، عمران الحق، ابھیجیت بنرجی، چندر شیکھر کشیپ، رمیش کمار، ریڈ کراس کے جوائنٹ سکریٹری جگدیو پرساد، مینیجنگ کمیٹی کے ممبران ڈاکٹر شمس الحق، انوج کمار، ریمی پیٹر ہنری، سید ارشاد اختر، لائف ممبرز پنکی دیوی، راجدیپ کمار، ششی دیوی، ارچنا کشواہا، محمد علی اور دیگر نے شرکت کی۔  رضوان، ترون کمار، ڈائی ٹیشین روپم روپالی، رضاکار رام کمار، کارکن مدھریندر چوبے، نرسنگ سٹاف افضل عالم، راجن کمار، ہمانشو کمار، بھیکھم یادو وغیرہ نے قابل ستائش تعاون کیا۔