تاثیر 11 نومبر ۲۰۲۴:- ایس -ایم- حسن
سڈنی ،11نومبر:کرکٹ آسٹریلیا نے بارڈر گواسکر ٹرافی کے پہلے میچ کے لیے نا تھن میک سوینی کو ٹیم میں شامل کیا ہے اور امید کی جا رہی ہے کہ وہ بطور اوپنر کھیلتے نظر آ سکتے ہیں۔ اس سلیکشن پر سابق آسٹریلوی کھلاڑی ایڈم گلکرسٹ نے سلیکٹرز سے سوال کیا جس نے کرکٹ کی دنیا میں ہلچل مچا دی ہے۔ایڈم گلکرسٹ نے کہا کہ وہ ٹاپ 6 بلے بازوں کو کھیلنے کی اپنی پالیسی سے ہٹ چکے ہیں۔ اس کے پیچھے دلیل یہ تھی کہ انگلس، جنہیں ریزرو بلے باز کے طور پر شامل کیا گیا تھا، پرتھ میں ہندوستان کے خلاف ٹیسٹ ڈیبیو کرنے اور عثمان خواجہ کے ساتھ بیٹنگ کا آغاز کرنے کے مستحق ہیں۔ اتوار کو کرکٹ آسٹریلیا نے 13 رکنی ٹیم کا اعلان کیا۔ میک سوینی 22 نومبر کو سیریز کے پہلے میچ میں خواجہ کے ساتھ بیٹنگ کا آغاز کریں گے۔میک سوینی نے اس ہفتے ایم سی جی میں انڈیا اے کے خلاف آسٹریلیا اے کے میچ سے پہلے کبھی بھی فرسٹ کلاس سطح پر بیٹنگ کا آغاز نہیں کیا تھا، جبکہ انگلیس کو شیفیلڈ شیلڈ مہم میں شاندار آغاز کے باوجود ریزرو بلے باز کے طور پر نامزد کیا گیا تھا۔گلکرسٹ نے کہا کہ اگر انتظامیہ چھ بہترین بلے بازوں کو ٹاپ سکس میں کھیلنے کی اپنی پالیسی پر قائم رہتی ہے تو انگلیس کو ملک کے بہترین چھ بلے بازوں میں شامل کیا جانا چاہیے۔گلکرسٹ نے کہا کہ انگلس ٹیم میں بطور ریزرو بلے باز ہیں، جو آسٹریلیا روایتی طور پر گھریلو حالات میں نہیں کرتا ہے۔ میرے خیال میں میک سوینی کھلیں گے؛لیکن کیا وہ گزشتہ سال کی پالیسی پر قائم رہیں گے، جس کے تحت ہم چاہتے ہیں کہ آسٹریلیا کے چھ بہترین بلے باز ٹاپ سکس میں کھیلیں۔ جوش انگلس اس وقت آسٹریلیا کے چھ بہترین بلے بازوں میں شامل ہیں۔ کیا وہ اس پالیسی سے انحراف کریں گے؟گلکرسٹ نے ہا کہ مجھے لگتا ہے کہ وہ ایسا کرنے کی کوشش کریں گے۔