تاثیر 01 نومبر ۲۰۲۴:- ایس -ایم- حسن
پلامو، یکم نومبر:ضلع کے چونپور تھانہ علاقے کے بندوا بغیچہ میں جمعہ کو غیر قانونی ہتھیار سے فائرنگ کرنا ایک نوجوان کوبھاری پڑ گیا۔ فائرنگ کے دوران گولی زمین سے ٹکرانے کے بعد اسی نوجوان کی ران کو چھید کر پیٹ میں گردے کے قریب جا لگی۔ ایکسرے میں گولی واضح طور پر نظر آنے کے بعد آپریشن کی تیاریاں کی جا رہی ہیں۔ نوجوان کی شناخت بندووا کے رہنے والے سبحانی شاہ کے طور پر کی گئی ہے۔
بتایا جاتا ہے کہ سبحانی شاہ، آزاد عرف سونو سمیت تین چار نوجوان بندوا گاؤں کے باغیچہ میں جوا کھیل رہے تھے۔ سبحانی کے مطابق آزاد عرف سونو کے پاس پستول تھا۔ آزاد نے اسے رکھنے کے لیے دیا تھا۔ اسی دوران اس نے نیچے کی طرف فائر کیا۔ زمین سے ٹکرانے کے بعد گولی اس کی ران میں چھید کرتی ہوئی پیٹ کے گردے والے حصے میں پھنس گئی۔