تاثیر 02 نومبر ۲۰۲۴:- ایس -ایم- حسن
حیدرآباد، 2 نومبر: تلنگانہ کے ضلع سوریاپیٹ میں پیش آئے سڑک حادثہ میں 30 افرادزخمی ہوگئے۔ یہ حادثہ ضلع کے کوداڑٹاون کے کٹکماں گوڑم علاقہ میں اْس وقت پیش آیا جب قومی شاہراہ پر دو بسوں کا تصادم ہوگیا۔ ذرائع کے مطابق حیدرآباد سے وجے واڑہ جانے والی ٹی ایس آر ٹی سی بس کے آج صبح سڑک کے کنارے ٹہری ایک پرائیویٹ ٹراویلس کی بس کے پیچھے سے ٹکراجانے سے 30 افراد زخمی ہوگئے۔ زخمیوں میں چار کی حالت تشویشناک ہے۔ پولیس نے موقع پر پہنچ کر 108 کی مدد سے زخمیوں کو کوداڑ کے سرکاری اسپتال منتقل کیا۔قومی شاہراہ پر سڑک حادثہ کی وجہ سے کئی کلومیٹر تک ٹریفک میں خلل پڑا۔