تاثیر 04 نومبر ۲۰۲۴:- ایس -ایم- حسن
ہانگ کانگ، 4 نومبر (ہانگ کانگ)۔ ڈائنا شنائیڈر نے اتوار کو برطانوی کھلاڑی کیٹی بولٹر کو 6-1، 6-2 سے شکست دے کر ڈبلیو ٹی اے اوپن کا خطاب جیت لیا۔ ورلڈ رینکنگ میں 14ویں نمبر پر قابض ٹاپ سیڈر شنائیڈر نے جرمنی میں بیڈ ہومبرگ اوپن، تھائی لینڈ میں ہوا ہین چیمپئن اور ہنگری میں بوڈاپیسٹ گراں پری میں خطاب جیتنے کے ساتھ سیزن کا چوتھا خطاب اپنے نام کیا ۔
خطاب جیت کے بعد 20 سالہ روسی کھلاڑی نے کہا،’’مجھے ایسا لگ رہا ہے کہ میں اعلی سطح پر تھی ۔ یقینا میں جس طرح سے مقابل کر رہی ہوں ، اس سے خوش اور فخر محسوس کر رہی ہوں۔ ‘‘
دوسری رینکنگ والی کھلاڑی اور سیزن میں اپنا تیسرا خطاب جیتنے کے لئے کوشاں بولٹر نے اس مشکل میچ کے بارے میں کہا’’میں اپنا بہترین دینا چاہتی تھی لیکن یہ کافی نہیں تھا‘‘۔