تاثیر 27 دسمبر ۲۰۲۴:- ایس -ایم- حسن
نئی دہلی، 27 دسمبر:جمعہ کو وزیر اعظم نریندر مودی کی صدارت میں مرکزی کابینہ نے سابق وزیر اعظم ڈاکٹر منموہن سنگھ کی یاد میں ایک تعزیتی قرارداد منظور کی۔ کابینہ نے دو منٹ کی خاموشی اختیار کر کے انہیں خراج عقیدت پیش کیا، کابینہ کے اجلاس میں 01.01.2025 تک ملک میں سات دنوں کے لیے سرکاری سوگ کا اعلان کیا گیا ہے۔ قومی پرچم سرنگوں رہے گا۔ سات دنوں تک بیرون ملک تمام ہندوستانی مشنوں/ ہائی کمیشنوں میں قومی پرچم نصف جھکا ہوا لہرایا جائے گا۔