کرشی وگیان کیندر ارریہ میں شہد کی مکھیوں کے پالنے پر آٹھ روزہ ٹریننگ جاری

ارریہ :- ( مشتاق احمد صدیقی ) بہار کوشل وشال وکاس مشن کے تحت 2 دسمبر 2024 کو ایگریکلچرل سائنس سنٹر، ارریہ میں شہد کی مکھیوں کے پالنے پر 8 روزہ RPL ٹریننگ جاری ہے۔ اس ٹریننگ کا افتتاح سینئر سائنسدان اور کرشی وگیان کیندر کے سربراہ ڈاکٹر ونود کمار نے شمع روشن کرکےکیا اور افتتاحی سیشن میں انہوں نے ارریہ ضلع کے مختلف بلاکس سے آنے والے 30 ٹرینیز سے خطاب کرتے ہوئے کہا کہ اس ٹریننگ سے ہنر مندی میں اضافہ ہوگا۔ ایسی ٹریننگ نوجوانوں کو روزگار کے مواقع فراہم کرتی ہے۔ یہاں پر تربیت حاصل کرنے والے نوجوان مرد و خواتین تربیت کے بعد شہد کی مکھیوں کے پالنے کا پیشہ اپنا کر اچھی آمدنی حاصل کر سکتے ہیں، اس لئے یہاں آنے والے تمام تربیت یافتہ افراد کو شہد کی مکھی پالنے کا ہر پہلو پوری توجہ کے ساتھ سیکھنا چاہیے۔ یہاں سے جانے کے بعد آپ کو شہد کی مکھیاں پالنے میں کسی قسم کی دشواری کا سامنا نہیں کرنا پڑے گا۔  افتتاحی سیشن میں زرعی سائنس سنٹر کے سائنسدان ڈاکٹر سنجیت کمار، ڈاکٹر اجے کمار موریہ، محترمہ سمن کماری، ڈاکٹر نکیتا مشرا، آفتاب عالم اور آبپاشی ریسرچ سنٹر کے سائنسدان ڈاکٹر موہن کمار سنہا نے بھی تربیت حاصل کرنے والوں سے خطاب کیا۔ اس ٹریننگ میں 11 خواتین جبکہ 19 مرد حصہ لے رہے ہیں اور اس ٹریننگ کے کورس کوآرڈینیٹر آفتاب عالم ہیں۔