تاثیر 09 جنوری ۲۰۲۵:- ایس -ایم- حسن
علی پور دوار، 09 جنوری (: علی پور دوار ضلع کے کال چینی بلاک کے میچ پاڑا چائے باغ انتظامیہ نے بدھ کی رات باغ کو بند کرنے کا نوٹس لٹکا دیا۔ جمعرات کی صبح جب مزدور کام پر گئے تو انہوں نے پلانٹیشن کا گیٹ بند پایا۔ باغ کے گیٹ پر کام کی غیر معینہ مدت تک معطلی کا نوٹس لگا دیا گیا۔ چائے کے باغ کی بندش کی وجہ سے یہاں کام کرنے والے تقریباً 1300 مزدور خاندانوں میں مایوسی پائی جاتی ہے۔
قابل ذکر ہے کہ ریاست اور مرکزی حکومت کے درمیان جاری رسہ کشی کی وجہ سے جہاں ایک طرف مزدوروں کو منریگا کا کام نہیں مل رہا ہے وہیں دوسری طرف چائے کے باغات ایک کے بعد ایک بند ہو رہے ہیں۔ علی پور دوار میں چائے کے باغات کی کل تعداد 69 ہے۔ ان میں سے نو چائے کے باغات کو تالے لگے ہوئے ہیں۔ بدھ کو اس فہرست میں ایک اور نام شامل ہو گیا۔