تاثیر 29 جنوری ۲۰۲۵:- ایس -ایم- حسن
پٹنہ، 29 جنوری : ویسٹرن ڈسٹربنس کا اثر ترائی کے علاقوں پر پڑے گا۔ اس کی وجہ سے بہار میں یکم یا 2 فروری سے موسم پھر سے خراب ہونے کا امکان ہے۔ اس دوران ریاست کے بیشتر حصوں میں مطلع جزوی طور پر مطلع ابر آلود رہے گا۔
سرد مغربی ہواؤں کے باعث صبح و شام سردی کا اثر برقرار رہے گا۔ موسمیاتی مرکز پٹنہ کے مطابق مشرقی چمپارن، سیتامڑھی، شیوہر، سپول، مدھوبنی، سہرسہ، مدھے پورہ، ارریہ، پورنیہ، کٹیہار اور کشن گنج سمیت 11 اضلاع میں آج گھنے دھند کے لیے ایلو الرٹ جاری کیا گیا ہے۔ پٹنہ اور دیگر حصوں میں ہلکی دھند رہے گی۔ سرد مغربی ہواؤں کا بہاؤ سورج نکلنے کے ساتھ ہی جاری رہے گا۔ منگل کے روز پٹنہ سمیت 18 اضلاع میں کم سے کم درجہ حرارت میں کمی درج کی گئی۔ زیادہ سے زیادہ 12.0 ڈگری سیلسیس اور کم سے کم 6.2 ڈگری سیلسیس کے ساتھ ڈہری سرد ترین رہا۔