جیو کا پانچ جی نیٹ ورک دنیا کے بلند ترین میدان جنگ سیاچن گلیشیئر تک پہنچ گیا

تاثیر  13  جنوری ۲۰۲۵:- ایس -ایم- حسن

لداخ، 13 جنوری، 2025 ۔ ریلائنس جیونے دنیا کے بلند ترین میدان جنگ میں اپنی پانچ جی سروس شروع کردی ہے۔ ہندوستانی فوج کی فائر اینڈ فیوری کور’ نے ایک ٹویٹ کے ذریعے یہ اطلاع دی۔ فوج کے مطابق جیو ٹیلی کام اور ہندوستانی فوج نے مل کر دنیا کے بلند ترین میدان جنگ سیاچن گلیشیئر پر پہلا پانچ جی موبائل ٹاور کامیابی سے نصب کر دیا ہے۔ اسے سیاچن میں ایک فارورڈ پوسٹ پر تعینات کیا گیا ہے۔
جیونے 15 جنوری کو آرمی ڈے سے عین قبل سیاچن گلیشیر پر چار جی اور پانچ جی خدمات شروع کرکے ایک بے مثال کارنامہ انجام دیا ہے۔ جیو سیاچن گلیشیر پر سروس شروع کرنے والا ملک کا پہلا آپریٹر بن گیا ہے۔ اسے ایک شاندار کامیابی قرار دیتے ہوئے، فوج نے کہا، “یہ ناقابل شکست کامیابی ہمارے بہادر سپاہیوں کے لیے وقف ہے جنہوں نے مشکل حالات میں تعیناتی کے دوران اس چیلنج کو پورا کیا۔”
اتنی بلندی پر ٹاور کو کھڑا کرنا انتہائی مشکل تھا۔ فوج نے لاجسٹکس سمیت عملے کے ارکان کی حفاظت کو یقینی بنایا۔ لہذا جیو نے اپنی دیسی فل اسٹیک پانچ جی ٹیکنالوجی کا استعمال کیا۔ فائر اینڈ فیوری سگنلرز اور سیاچن واریئرز نے Jio ٹیم کے ساتھ شمالی گلیشیر میں 5G ٹاور نصب کیا۔ ہم آپ کو بتاتے ہیں کہ اس علاقے میں درجہ حرارت -پچاس ڈگری سینٹی گریڈ تک گر جاتا ہے۔ یہاں اکثر ٹھنڈی ہوائیں اور برفانی طوفان آتے ہیں۔