جیو بھارت فون پر فری میں ملے گا یو پی آئی پیمنٹ الرٹ

تاثیر  24  جنوری ۲۰۲۵:- ایس -ایم- حسن

 جیو یوم جمہوریہ پر ساونڈپے سروس لانچ کرے گا
بغیر کسی ساؤنڈ باکس کے جیو ساونڈپے سے UPI ادائیگیکا الرٹ ملے گا
کروڑوں چھوٹے تاجر سالانہ 1,500 روپے تک کی بچت کر سکیں گے

ممبئی، 24 جنوری۔2025۔ جیویوم جمہوریہ پر جیو ساونڈ پے سروس شروع کرے گا۔ یہ سہولت زندگی بھر کے لیے جیو بھارت فون پر مفت دستیاب رہے گی۔ دراصل، جیو ساونڈ پے سے آپ بغیر کسی ساؤنڈ باکس کے UPI ادائیگی کے الرٹس حاصل کر سکیں گے۔ یہ اپنی نوعیت کا پہلا فیچر ہے جو ہندوستان میں کسی بھی موبائل فون پر دستیاب ہے۔ ملک کے 5 کروڑ سے زیادہ چھوٹے کاروباریوں اور چھوٹے تاجروں کو اس سے براہ راست فائدہ پہنچے گا۔
کمپنی کے مطابق جیو ساونڈ پے ایک بے مثال اختراع ہے۔ جو ہر UPI پیمنٹ کا فوری، کثیر لسانی آڈیو الرٹ پیغام دے گا۔ اس سے چھوٹے گروسری اسٹورز، سبزی فروشوں اور سڑک کے کنارے کھانا فروشوں کے لیے کاروبار کرنا آسان ہوجائے گا۔ موجودہ چھوٹے اور مائیکرو تاجر ساؤنڈ باکس کے لیے تقریباً 125 روپے ماہانہ ادا کرتے ہیں۔ جیو ساونڈ پے پر اب مفت میں دستیاب اس سروس کے ساتھ، جیو بھارت فون استعمال کرنے والے سالانہ 1,500 روپے تک کی بچت کر سکیں گے۔
جیو بھارت فون تقریباً ایک سال قبل لانچ کیا گیا تھا اور اسے دنیا کا سب سے سستا 4G فون مانا جاتا ہے، جس کی قیمت صرف 699 روپے ہے۔ اس طرح سے، نیا جیو بھارت فون خریدنے والا کوئی بھی تاجر صرف 6 ماہ میں فون کی پوری قیمت وصول کر سکتا ہے۔ جمہوریہ ہند کے 75 سال منانے کے لیے، جیو، جیو ساونڈپے پر جدید موسیقی میں وندے ماترم کی دھنیں پیش کرتا ہے۔
جیو کے پریزیڈنٹ سنیل دت نے کہاکہ جیو’’ہر ہندوستانی کو بااختیار بنانے کے لیے ٹیکنالوجی کا فائدہ اٹھانے میں یقین رکھتا ہے جیو بھارت پر مفت جیو ساونڈ پے کی خصوصیت اور وندے ماترم کی روح پرور پیشکش کے ساتھ، ہم ہندوستان کے جذبے کا جشن منا رہے ہیں ڈیجیٹل انڈیاکی حقیقی تعمیر کے اپنے عزم کا اعادہ کر رہے ہیں۔