تاثیر 01 جنوری ۲۰۲۵:- ایس -ایم- حسن
کولکاتہ، یکم جنوری: ترنمول کانگریس نے بدھ کو پورے مغربی بنگال میں اپنا 28 واں یوم تاسیس منایا۔ اس موقع پر پارٹی سپریمو اور وزیر اعلیٰ ممتا بنرجی نے ریاست کے لوگوں کے حقوق کے لیے پارٹی کی جدوجہد جاری رکھنے کا عہد کیا۔ یکم جنوری 1998 کو ترنمول کے قیام کو یاد کرتے ہوئے ممتا بنرجی نے کہا کہ پارٹی عام لوگوں کی فلاح و بہبود کے لیے پابند عہد ہے۔
ممتا بنرجی نے کہا کہ سب سے پہلے میں آپ سب کو نئے سال کی بہت بہت مبارکباد پیش کرتی ہوں۔ اس کے علاوہ آج ہماری پارٹی کا یوم تاسیس بھی ہے۔ اس سال کے یوم تاسیس کے موقع پر، میں آپ سب کے ساتھ ایک گانا شیئر کر رہی ہوں جو میرا لکھا اور کمپوز کیا گیا ہے، جسے مشہور گلوکار اندرنیل سین نے گایا ہے۔ بنگال کے عوام کے حقوق کی جنگ جاری ہے اور آئندہ بھی جاری رہے گی۔