تاثیر 23 فروری ۲۰۲۵:- ایس -ایم- حسن
پٹنہ، 23 فروری: آج روٹری ڈے کے موقع پر روٹری کلب آف پٹنہ کنکرباغ نے ای سیکٹر پارک، کنکرباغ میں مفت ہیلتھ چیک
اپ کیمپ کا انعقاد کیا۔ اس کیمپ میں مختلف طبی شعبوں جیسے ہومیوپیتھی، فزیوتھراپی اور پیتھالوجی کے ماہر ڈاکٹروں نے اپنی خدمات فراہم کیں۔اس ہیلتھ کیمپ سے 150 سے زائد افراد نے فائدہ اٹھایا۔ کیمپ میں موجود ممتاز روٹیرین ممبران میں سابق ڈسٹرکٹ گورنر روٹیرین ڈاکٹر راکیش پرساد، کنوینر روٹیرین ڈاکٹر سوجیت کمار، صدر روٹیرین راج کشور سنگھ، روٹیرین اجیت کمار سنہا، روٹیرین نتیش مشرا، روٹیرین بلیرام جی، روٹیرین نرنجن کمار اور روٹیرین شریک حیات سنگیتا شامل تھے۔روٹری کلب کی اس کاوش کا مقصد معاشرے کے ضرورت مند افراد کو صحت کی مفت خدمات فراہم کرنا تھا۔ کلب کے اراکین نے مستقبل میں بھی ایسے عوامی فلاحی کیمپ منعقد کرنے کا عزم کیا۔