تاثیر 09 فروری ۲۰۲۵:- ایس -ایم- حسن
نئی دہلی، 9 فروری :۔ عام آدمی پارٹی (اے اے پی) کے سینئر لیڈر آتشی نے اتوار کو اسمبلی انتخابات کے نتائج کے اعلان کے بعد دہلی کے وزیر اعلیٰ کے عہدے سے استعفیٰ دے دیا۔ لیفٹیننٹ گورنر (ایل جی) ونے کمار سکسینہ نے بھی دہلی اسمبلی کو تحلیل کر دیا ہے۔
اے اے پی لیڈر آتشی اتوار کی صبح راج نواس پہنچے اور لیفٹیننٹ گورنر وی کے سکسینہ سے ملاقات کی اور وزیر اعلیٰ کے عہدے سے اپنا استعفیٰ پیش کیا۔ آتشی گزشتہ سال 21 ستمبر کو دہلی کی وزیر اعلیٰ بنی تھی۔ وہ دہلی کی تیسری خاتون وزیر اعلیٰ تھیں۔ اس سے پہلے سشما سوراج اور شیلا دکشت دہلی کی وزیر اعلی رہ چکی ہیں۔ اس دوران لیفٹیننٹ گورنر (ایل جی) ونے کمار سکسینہ نے بھی دہلی اسمبلی کو تحلیل کر دیا ہے۔
قابل ذکر ہے کہ دہلی اسمبلی انتخابات کے ووٹوں کی گنتی 8 فروری کو ہوئی تھی۔ دہلی اسمبلی انتخابات میں بی جے پی کو واضح اکثریت حاصل ہوئی ہے۔ بی جے پی 70 میں سے 48 سیٹیں جیت کر 27 سال بعد اقتدار میں واپس آئی ہے۔ عام آدمی پارٹی کو صرف 22 سیٹیں ملی ہیں۔ اپنی جیت کے بعد بی جے پی نے حکومت بنانے کی تیاریاں شروع کر دی ہیں۔