تاثیر 04 مارچ ۲۰۲۵:- ایس -ایم- حسن
پٹنہ،04مارچ:تیجسوی یادو نے آج گورنر کے خطاب پر جس طرح سے لالو یادو کے اقتدار کی تعریف کی۔ اس کے بعد بی جے پی کی طرف سے جوابی حملہ شروع ہو گیا ہے۔ وزیر نتن نوین نے کہا کہ تیجسوی کی مایوسی اور خوف آج ان کی تقریر میں صاف نظر آرہا تھا۔ وہ جان چکے ہیں کہ سیاست میں ان کا کوئی مستقبل نہیں ہے۔
نتن نوین نے کہا کہ تیجسوی کی مایوسی کو اس بات سے سمجھا جا سکتا ہے کہ ااج وہ 1990 سے پہلے اسی کانگریس کی حکمرانی پر سوال اٹھا رہے تھے، جس کی حمایت سے انہوں نے حکومت بنائی تھی۔ تیجسوی یادوچرواہا اسکول کو ایک بڑی کامیابی قرار دے رہے تھے۔ وہ جس تاریخ کی بات کر رہے ہیں انہوں نے اس کو نہیں پڑھا۔
1990 اور 2005 کے درمیان انہوں نیبہار کے لوگوں کولاٹھی میں تیل پلاون سے متاثر کیا۔ آج تیجسوی اپنے سیاسی مستقبل کو لے کر بے چین نظر آئے۔ وہ اپنے سیاسی مستقبل کے بارے میں فکر مند تھے۔ اسی لیے خود کو وزیراعلیٰ کہہ کر آشیرواد لے رہے تھے۔
نتن نوین نے کہا کہ تیجسوی یادو کے پاس چار محکموں کی ذمہ داری تھی۔ لیکن تیجسوی یادو نے ایک بار بھی جائزہ میٹنگ نہیں کی۔ وہ ایک بار بھی سڑکوں پر نہیں آئے لیکن بیانات ضرور دیتے رہے۔ آج تیجسوی اپنی حکومت کی طرف سے فراہم کردہ روزگار کے بارے میں بات کر رہے ہیں۔ لیکن ان کے محکمے نے یہ روزگار فراہم نہیں کیا۔ بلکہ یہ نتیش کمار کی منظوری سے ہوا تھا۔ نتن نوین نے کہا کہ کامیابی حاصل کرنے کے لیے سخت محنت کرنی پڑتی ہے۔ جو انہوںنے نہیں کیا۔