تاثیر 6 اپریل ۲۰۲۵:- ایس -ایم- حسن
گائے گھٹا، 06 اپریل : رام نومی کی صبح تقریباً 7 بجے بی جے پی کارکن کو گولی مار کر ہلاک کرنے کی کوشش کی گئی۔ یہ واقعہ شمالی 24 پرگنہ ضلع کے تحت ٹھاکر نگر علاقے میں پیش آیا۔ زخمی بی جے پی کارکن کا نام آشوتوش وشواس ہے۔ زخمی نوجوان کو کولکاتا کے ایک اسپتال میں داخل کرایا گیا ہے۔گائے گھاٹہ تھانے کی پولیس نے اس واقعہ میں ایک ملزم کو گرفتار کیا ہے۔ ترنمول کانگریس نے اس واقعہ کی مذمت کی ہے۔
مقامی ذرائع کے مطابق آشوتوش پیشے سے پھول بیچنے والا ہے۔ ہر صبح ٹھاکر نگر اور آس پاس کے علاقوں سے بڑی تعداد میں لوگ ٹرین کے ذریعے کولکاتا اور دیگر مقامات پر پوجا کے پھول بیچنے جاتے ہیں۔ ہر روز کی طرح اتوار کی صبح بھی رام نومی کے موقع پر وہ پھول لے کر اپنی بیوی کو اسٹیشن پر چھوڑنے گئے تھے۔ الزام ہے کہ کسی نے اسے گولی مار دی جب وہ واپس آ رہے تھے۔ تشویشناک حالت میں اسے پہلے چاندپارہ دیہی اسپتال اور بعد میں کولکاتا کے ایک نجی اسپتال منتقل کیا گیا۔متاثرہ کی بیوی نے تھانے میں شکایت درج کرائی۔ درج کرائی گئی شکایت کی بنیاد پر گائے گھاٹہ پولیس نے واقعہ کے چند گھنٹوں کے اندر ایک شخص کو گرفتار کرلیا۔ پولیس معاملے کی تفتیش کر رہی ہے۔