تاثیر 6 اپریل ۲۰۲۵:- ایس -ایم- حسن
سیتامڑھی (مظفر عالم)
اسٹڈی کیمپس کوچنگ سینٹر کا افتتاح سابق وزیر ڈاکٹر رنجو گیتا سیتامڑھی نے کیا۔ اس موقع پر سابق وزیر ڈاکٹر رنجو گیتا نے کہا کہ تعلیمی ادارے کھلنے سے بچوں کو اچھی تعلیم ملے گی۔ دیہی علاقوں میں اس طرح کے انسٹی ٹیوٹ کے کھلنے سے غریب بچوں کو تعلیم حاصل کرنے کے لیے اب باہر نہیں جانا پڑے گا۔ خواتین آر جے ڈی کی ریاستی صدر ریتو جیسوال نے کہا کہ صرف تعلیم ہی سماج کو طاقتور بناتی ہے۔ کوچنگ ادارے ٹیلنٹ کو آگے لانے میں اہم کردار ادا کرتے ہیں۔ انسٹی ٹیوٹ کے لیے نیک خواہشات کا اظہار کرتے ہوئے انہوں نے کہا کہ یہ کوچنگ سیکٹر کے طلباء کے لیے ایک نئی روشنی ثابت ہوگا۔ کوچنگ سنٹر کے ڈائریکٹر محمد علیم عرف آرزو اور اسسٹنٹ ڈائریکٹر حسنہ پروین نے بتایا کہ کوچنگ سنٹر میں کلاس ون سے کلاس 12 تک کی کوچنگ کی سہولیات دستیاب ہوں گی۔ انہوں نے بتایا کہ بہار بورڈ اور سی بی ایس ای بورڈ کی تیاری الگ الگ کی جائے گی۔ بچوں کو مختلف مضامین کی کوچنگ کے لیے مختلف اساتذہ کے پاس نہیں جانا پڑے گا، بلکہ اسٹڈی کیمپس کوچنگ سینٹر میں تمام مضامین کی کوچنگ ایک ہی چھت کے نیچے فراہم کی جائے گی۔
شیوہر کے سابق ممبر اسمبلی شرف الدین نے کہا کہ تعلیم انسانی زندگی کو مکمل بناتی ہے۔ اس موقع پر میئر رونق جہاں پرویز، سابق ممبر اسمبلی سنیل کمار کشواہا، محمد اعظم حسین انور، صحافی محمد ارمان علی، محمد جنت حسین، محمد حشمت حسین، محمد بشارت کریم گلاب، محمد احمد، توقیر انور عرف سکند، محمد افروز علی، محمد افضل عالم، ممتاز عالم، محمد بشارت غفران رشید، محمد امیرالرحمٰن، محمد عبداللہ رحمانی، اسلم انصاری، مراد، صفت، ضیاء الرحمان، غلام رسول، ڈاکٹر وسیم اختر، شاہد، تنویر، محمد امتیاز، اکرم حسین، مکیش کمار، چندن، کمار، عارف دلکش، عبدالقادر۔ شہزادہ سر۔ محمد سراج۔ کونسلر محمد عطاء اللہ رحمانی اور دیگر نے شرکت کی۔