تاثیر 8 اپریل ۲۰۲۵:- ایس -ایم- حسن
نئی دہلی، 08 اپریل: کھلاڑیوں کی صحت اور تندرستی کو ترجیح دیتے ہوئے، ہاکی انڈیا نے 15ویں سینئر مینز ہاکی نیشنل چمپئن شپ 2025 کے لیے اضافی معاون عملہ جھانسی، اتر پردیش بھیجا ہے۔ اس میں ایک فزیو تھراپسٹ اور ایک مساج تھراپسٹ شامل ہیں، جو قومی ٹیم کو کھیلنے کے دوران فوری طبی امداد اور صحت یابی میں مدد فراہم کر رہے ہیں۔اس سال کی سینئر نیشنل چمپئن شپ میں ہندوستانی مردوں کی ہاکی ٹیم کے کل 31 کھلاڑی حصہ لے رہے ہیں۔ ان میں ہاردک سنگھ، جرمن پریت سنگھ، کرشنا بہادر پاٹھک، ابھیشیک، امیت روہیداس، سمیت، گرجنت سنگھ اور سنجے جیسے بڑے نام شامل ہیں۔ ہاکی انڈیا کا یہ اقدام اس لیے بھی اہم ہے کیونکہ زیادہ تر ریاستی ٹیموں کے پاس اپنا فزیو یا طبی عملہ نہیں ہے، جب کہ قومی ٹیم کے کھلاڑی پیشہ ورانہ سیٹ اپ کے عادی ہیں۔