روٹری کلب کنکر باغ کے زیر اہتمام ’’ورلڈ ملیریا ڈے ‘‘ پر سیمینار کا انعقاد

ملیریا کی شناخت، علامات، علاج اور اس سے بچاؤ کے بارے میں تفصیلی جانکاری دی گئی

پٹنہ ، 26 اپریل (پریس ریلیز) کو’’ورلڈ ملیریا ڈے‘‘ کے موقع پر روٹری کلب آف پٹنہ کنکر باغ کے زیراہتمام راج نارائن کالج، حاجی پور میں ایک روزہ سیمینار کا انعقاد کیا گیا۔

پروگرام کا آغاز استقبالیہ گیت سے ہوا اور شمع روشن کر کے سیمینار کا باقاعدہ آغاز کیا گیا۔ اپنے صدارتی خطاب میں کالج کے پرنسپل ڈاکٹر روی کمار سنہا نے کالج کے ترقیاتی کاموں، طلبہ کے لیے معیاری تعلیم، اخلاقی تعلیم اور صحت مند طرز زندگی کے لیے کی جانے والی کوششوں کے بارے میں تفصیلی جانکاری دی۔سیمینار کا بنیادی مقصد عوام میں صحت سے متعلق آگاہی کو بڑھانا اور ملیریا جیسی سنگین بیماری سے بچاؤ اور کنٹرول کے لیے ضروری معلومات فراہم کرنا تھا۔سیمینار میں خواتین کی ذاتی صحت،صفائی اور اس کی اہمیت،سروائیکل کینسر کی روک تھام،ملیریا کی روک تھام اور کنٹرول جیسے موضوعات پر تفصیلی گفتگو کی گئی۔

کلیدی مقررین کے طور پر، روٹیرین ڈاکٹر الکا پانڈے، روٹیرین ڈاکٹر انیتا کماری (سابق ڈسٹرکٹ گورنر) اور روٹیرین ڈاکٹر راکیش پرساد نے اپنے لیکچرز کے ذریعے صحت سے متعلق اہم معلومات کا اشتراک کیا۔

ڈاکٹر الکا پانڈے نے خواتین کی صحت پر خصوصی زور دیا، ڈاکٹر انیتا کماری نے سروائیکل کینسر کے لیے حفظان صحت اور احتیاطی تدابیر پر روشنی ڈالی، اور ڈاکٹر راکیش پرساد نے ملیریا کی شناخت، علامات، علاج اور اس سے بچاؤ کے بارے میں تفصیل سے بات کی۔ آرگنائزنگ کمیٹی: پرنسپل-کم-چیئرمین: ڈاکٹر روی کمار سنہا، پروفیسر اور روٹیرین: ڈاکٹر روپاشری جموار،پروفیسرز اور روٹیرینز: ڈاکٹر سشما کماری، ڈاکٹر سمن سنہا، ڈاکٹر نکیتا راج، ڈاکٹر مونا تبسم،ڈاکٹر روزنین سورین،کلب کے صدر: روٹیرین راج کشور سنگھ، سکریٹری روٹیرین گووند،صدر منتخب: روٹیرین اجیت کمار سنہا،پی پی روٹیرین سدھانشو پرکاش، پی پی روٹیرین ڈاکٹر شنکر ناتھ، پی پی روٹیرین ڈاکٹر دیپتی سہائے، پی پی روٹیرین آر پی شریواستوا، روٹیرین مدھو پرکاش، روٹیرین نرنجن کمار،کالج انتظامیہ کی طرف سے کلب کے تمام ممبران اور مقررین کو اعزاز سے نوازا گیا۔

پروگرام کے دوران، روٹری کلب آف پٹنہ کنکر باغ اور راج نارائن کالج، حاجی پور کے درمیان ایک ایم او یو پر بھی دستخط کیے گئے، جس پر کالج کے پرنسپل پروفیسر ڈاکٹر روی کمار سنہا، کلب کے صدر آر ٹی این راج کشور سنگھ اور روٹیرین پی ڈی جی ڈاکٹر راکیش پرسادنے دستخط کئے۔ اس مفاہمت نامے کے تحت دونوں اداروں نے مستقبل میں سماجی کاموں، ورکشاپس، سیمینارز وغیرہ کے انعقاد کے لیے مل کر کام کرنے کا عزم کیا۔پروگرام میں پہلگام میں مارے گئے سیاحوں اور شہریوں کو خراج عقیدت پیش کرنے کے لیے دو منٹ کی خاموشی اختیار کی گئی۔ پروگرام کا اختتام قومی ترانے کے ساتھ ہوا۔

کالج انتظامیہ نے تمام مہمانوں کے لیے ناشتے کا بہترین انتظام کیا تھا۔ پروگرام کو کامیاب بنانے میں این سی سی کیڈٹس اور این ایس ایس کے رضاکاروں نے خصوصی تعاون کیا۔روٹری کلب آف پٹنہ کنکرباغ مستقبل میں بھی اس طرح کے بیداری پروگراموں کے ذریعے صحت، حفظان صحت اور تعلیم کے میدان میں سماجی خدمت کے لیے کوشاں رہے گا۔