شاہ آباد ریجن کے چار پولس انسپکٹرس کو وجہ طلبی کا جاری ہوا نوٹس

              سہسرام ( انجم ایڈوکیٹ ) شاہ آباد رینج کے ڈی آئی جی نے روہتاس ضلع کے چار پولس انسپکٹر کو کام میں لاپرواہی پر انہیں  15 دنوں میں وجہ طلبی کا نوٹس جاری کرتے ہوئے  ورک کلچر میں بہتری کے ساتھ زیر التواء کیسز کی رپورٹ پیش کرنے کی ہدایت کی ہے ۔ ڈی آئی جی ستیہ پرکاش نے ڈپٹی انسپکٹر جنرل آف پولس کے دفتر میں ضلع کے تمام پولس انسپکٹرس کی روزانہ کی رپورٹس کا جائزہ لیا ۔ نصف درجن پولس انسپکٹرس کی روزانہ کی رپورٹس میں بہت سی خامیاں پائی گئیں ۔ شیو ساگر، بکرم گنج پولس اسٹیشن انچارج، نوکھا، روہتاس تھانے کے انچارج کو مقدمات اور دیگر معاملات میں لاپرواہی برتنے کے الزام میں نوٹس جاری کیا گیا ۔ انہیں سخت وارننگ دیتے ہوئے 15 دن کے اندر آئی او کو بلانے اور مقدمات کے تصفیہ کے لئے کیمپ لگانے کی ہدایت کی گئی ہے ۔ اس کا 15 دن بعد دوبارہ جائزہ لیا جائے گا ۔ انہوں نے کہا کہ مقدمات پر عملدرآمد میں غفلت کی وجہ سے لوگوں کو انصاف ملنے میں تاخیر ہو رہی ہے ۔ انہوں نے کہا کہ پولس انسپکٹرس کی روزانہ کی رپورٹس کا ہر ماہ جائزہ لیا جائے گا ۔ انہوں نے کہا کہ اب ڈیوٹی میں غفلت برتنے والے پولس انسپکٹرس کو سزا دی جائے گی ۔ انہوں نے کہا کہ ریجن کے چاروں اضلاع کے پولس انسپکٹرس کی روزانہ کی رپورٹس کا جائزہ لیا جائے گا ۔ بھوجپور اور بکسر کے پولس انسپکٹرس کی روزانہ کی رپورٹوں کا پیر اور بھوجپور ضلع کے منگل کو جائزہ لیا جائے گا ۔