تاثیر 24 اپریل ۲۰۲۵:- ایس -ایم- حسن
بنگلورو، 24 اپریل : کرناٹک کے وزیر اعلیٰ سدھارامیا نے کہا کہ دہشت گردوں کو مکمل طور پر ختم کرنا حکومت کی ذمہ داری ہے۔ ہماری حکومت ملک میں دہشت گردانہ سرگرمیوں کو مکمل طور پر دبانے اور دہشت گردوں کو شکست دینے میں مرکز کے ساتھ مکمل تعاون کرے گی۔انہوں نے کہا کہ دن دیہاڑے معصوم لوگوں کو ان کے اہل خانہ کے سامنے قتل کرنا ایک گھناؤنا فعل ہے۔ کشمیر میں پلوامہ اور بالاکوٹ جیسے واقعات پہلے بھی ہو چکے ہیں اور ایسے واقعات دوبارہ دہرائے گئے ہیں۔ مرکزی انٹیلی جنس ڈیپارٹمنٹ کی ناکامی کی وجہ سے بھی ایسے واقعات رونما ہو سکتے ہیں۔