سہسرام ​​کے اسٹریٹ وینڈرس کو وینڈنگ ژون میں منتقل کرنے میں ناکام ہو رہی ہے ضلع انتظامیہ

                سہسرام ( انجم ایڈوکیٹ ) کئی مرتبہ مہم چلانے سے تھک چکی ضلعی اور میونسپل انتظامیہ نے آخرکار لگتا ہے سڑکوں پر دکانداروں کے سامنے گھٹنہ ٹیک ہی دیا ہے ۔ ضلعی انتظامیہ اور میونسپل انتظامیہ نے کروڑوں روپئے خرچ کر پرانے بس اسٹینڈ پر بنائے گئے اسٹریٹ وینڈس کو وینڈنگ ژون میں منتقل کرنے میں ناکام ہو گئی ہے، ایسے میں وینڈنگ ژون ویران سا پڑا ہوا ہے، جبکہ شہر کی اہم سڑکوں پر دکانداروں کی جانب سے تاحال دکانیں سجائی جا رہی ہیں ۔ معلوم ہو کہ میونسپل کارپوریشن نے پرانے بس اسٹانڈ میں وینڈنگ ژون بنایا تھا تاکہ شہر کے مکینوں کو شہر میں ٹریفک جام کے مسئلہ سے راحت مل سکے ۔ بس اسٹینڈ میں تیار کردہ وینڈنگ ژون پر کروڑوں روپئے خرچ کئے گئے ہیں ۔ مسافروں کے شیڈ کے ساتھ پیشاب خانے بھی بنائے گئے، اسٹریٹ لائٹس کا بھی انتظام کیا گیا ہے، اس کے علاوہ پانی کیلئے نلوں کا بھی انتظام کیا گیا ہے لیکن کروڑوں روپئے خرچ کرنے کے بعد بھی نتیجہ صفر ہے ۔ یہ امر قابل ذکر ہے کہ جنوری کے پہلے ہفتہ میں اسٹریٹ وینڈرس کو وینڈنگ ژون میں منتقل کرنے کی کارروائی جنگی بنیادوں پر کی گئی تھی ۔ میونسپل کارپوریشن کی ٹیم اور پولس عملے نے زبردستی اسٹریٹ فروشوں کو وینڈنگ ژون میں منتقل گیا تاہم چند دنوں بعد اسٹریٹ فروش دوبارہ سڑکوں پر آ گئے ۔ کئی دنوں تک سڑکوں پر دکانداروں اور میونسپل کارپوریشن کے ملازمین کے درمیان چھپ چھپانے کا کھیل بھی جاری رہا۔ یہاں تک کہ 22 سے 25 جنوری تک شہر میں 10 مقامات پر مجسٹریٹس کو بھی تعینات کیا گیا تھا تاکہ گلیوں میں دکانداروں کو وینڈنگ ژون میں منتقل کیا جا سکے لیکن چند دنوں کے بعد سڑکوں پر دکاندار دوبارہ سڑکوں پر آگئے ۔ پچھلے چار مہینوں کے دوران اسٹریٹ وینڈرس کو وینڈنگ ژون میں منتقل کرنے کی کئی کوششیں کی گئیں لیکن اب تک سہسرام ​​میونسپل کارپوریشن ایسا کرنے میں کامیاب نہیں ہوسکی، پہلے کی طرح آج بھی ٹریفک جام رہتا ہے، جس سے نجات کیلئے سہسرام ​​میں مین وینڈنگ ژون بنائے گئے تھے ۔