تاثیر 27 مئی ۲۰۲۵:- ایس -ایم- حسن
پٹنہ، 27 مئی:بہار میں مدھوبنی ضلع کے جے نگر میں ہندوستان-نیپال سرحد کے کملا بی او پی علاقے میں پیر کی دیر رات تقریباً 15 سے 20 ڈرون دیکھے گئے۔ ڈرون نظر آنے کے بعد بھارت نیپال سرحد پر چوکسی بڑھا دی گئی ہے۔
پیر کی رات نیپال کی سرحد کے کملا سرویلنس اینڈ سیکیورٹی پوائنٹ علاقے میں تقریباً 15 سے 20 ڈرون دیکھے گئے۔ ڈرون ہندوستانی علاقے سے شمال سے مشرق کی طرف آیا اور فوراً ہی مغرب سے شمالی نیپال کی طرف واپس چلا گیا۔ ڈرون نظر آنے کی اطلاع ملنے پر لوگوں میں خوف و ہراس کا ماحول ہے۔ جے نگر ایس ایس بی بٹالین 48 کے ڈپٹی کمانڈنٹ وویک اوجھا نے بتایا کہ جے نگر بی او پی کے قریب فوجیوں نیکل دیر رات ڈرون کو واپس جاتے ہوئے دیکھا تھا۔ جس کے بعد ایس ایس بی کے جوانوں کو الرٹ کر دیا گیا ہے۔ وویک اوجھا نے کہا کہ اس کی اطلاع دہلی اور دربھنگہ ایئرپورٹ کو دی گئی ہے۔
ڈپٹی کمانڈنٹ اوجھا نے یہ بھی کہا کہ نیپالی سیکورٹی فورس سے پرواز کے آلات کے بارے میں پوچھ گچھ کی گئی تھی لیکن نیپالی حکام نے ایسے کسی بھی استعمال سے انکار کیا ہے۔ ڈرون کا صحیح مقام اور مقصد ابھی زیر تفتیش ہے۔ قابل ذکر ہے کہ وزیر اعظم نریندر مودی 29 سے 30 مئی تک بہار کے دورے پر ہوں گے۔ ایسے میں ان کے دورے سے عین قبل ہندوستان-نیپال سرحد پر بڑی تعداد میں ڈرون کی نقل و حرکت ایک سنگین معاملہ ہے۔