تاثیر 27 مئی ۲۰۲۵:- ایس -ایم- حسن
گاندھی نگر، 27 مئی: وزیر اعظم نریندر مودی نے منگل کو گاندھی نگر کے مہاتما مندر میں کہا کہ ملک کی معیشت کو چوتھے سے دوسرے نمبر پر لانے کے لیے شہری اداروں پر توجہ مرکوز کرنا ہوگی۔ شہری اداروں کو معیشت کا گروتھ سنٹر بنانے کے لیے منصوبہ بندی کرنے کی ضرورت ہے۔ شہروں کو آبادی کی وجہ سے خود بخود نہیں بڑھنا چاہیے۔ بلکہ شہروں کو معاشی سرگرمیوں کے متحرک مراکز بننا چاہیے۔
وزیر اعظم منگل کو مہاتما مندر میں گجرات حکومت کی طرف سے شہری ترقی کے سال کی 20 ویں سالگرہ اور سال 2025 کے آغاز کو شہری ترقی کے سال کے طور پر منانے کے موقع پر منعقد ایک تقریب سے خطاب کر رہے تھے۔ اس موقع پر وزیر اعظم نے محکمہ شہری ترقیات، سڑک اور عمارتوں کے محکمے، محکمہ آبی وسائل، محکمہ صحت اور محکمہ محصولات کے لیے 5536 کروڑ روپے کے پروجیکٹوں کا افتتاح اور سنگ بنیاد رکھا۔تقریب میں وزیر اعظم نریندر مودی نے ٹائر ٹو اور ٹائر تھری شہروں پر زور دیا اور کہا کہ انہیں معیشت کا مرکز بنانے کی ضرورت ہے۔ وزیر اعظم نے ریاستوں سے اپیل کی کہ شہری اداروں سے وابستہ لوگوں کو ہدف بنانا چاہیے کہ وہ ایک سال میں اس شہر کی معیشت کو کہاں لے جاسکتے ہیں تاکہ اس کی معیشت کی حیثیت کو بڑھایا جاسکے۔ شہروں میں تعمیر ہونے والی چیزوں کے معیار کی سطح کو کیسے بہتر بنایا جائے۔ نئی اقتصادی سرگرمیوں کے لیے کون سے راستے کھلیں گے؟ انہوں نے کہا کہ زیادہ تر میونسپلٹی بڑے شاپنگ سینٹرز بناتی ہیں، لیکن اس سے کچھ زیادہ حاصل نہیں ہوگا۔ انہوں نے کہا کہ کسانوں کی پیداوار میں ویلیو ایڈیشن کرنے کی ضرورت ہے۔