ڈسٹرکٹ مجسٹریٹ نے فاربس گنج بلاک کے سیلاب متاثرہ علاقے کا معائنہ کیا

ارریہ ( مشتاق احمد صدیقی ) ممکنہ سیلاب کی پیشگی تیاری کے پیش نظر ارریہ کے ڈسٹرکٹ مجسٹریٹ شری انیل کمار نے فوربس گنج بلاک کے تحت پپرا، شہباز پور سمیت اوسری گھاٹ اور کامٹ گھاٹ کا فیلڈ معائنہ کیا۔ اس دوران انہوں نے سیلاب سے نمٹنے کی تیاریوں کا جائزہ لیا اور مقامی حکام کو کئی ضروری ہدایات دیں۔معائنہ کے دوران ضلع مجسٹریٹ نے پشتوں کی حالت، راحت اور بچاؤ کے سامان کی دستیابی اور محفوظ مقامات کی نشاندہی جیسے پہلوؤں پر خصوصی توجہ دی۔ انہوں نے واضح طور پر کہا کہ انتظامیہ کسی بھی ہنگامی صورتحال سے نمٹنے کے لیے پوری طرح چوکس ہے۔ انہوں نے متعلقہ حکام کو ہدایت کی کہ سیلاب سے بچاؤ کے حوالے سے کسی قسم کی غفلت برداشت نہیں کی جائے گی۔ مقامی لوگوں سے بات کرتے ہوئے انہوں نے ان کے مسائل بھی سنے اور انہیں یقین دلایا کہ ان کی حفاظت سب سے اہم ہے۔ ضلع مجسٹریٹ نے عہدیداروں کو ہدایت دی کہ وہ تمام ضروری پری فلڈ تیاریوں کو وقت پر مکمل کریں تاکہ عام لوگوں کو کسی بھی ممکنہ خطرے سے محفوظ رکھا جاسکے۔ اس دوران سب ڈویژنل آفیسر فوربس گنج، تمام متعلقہ تکنیکی افسران، بلاک ڈیولپمنٹ آفیسر کے ساتھ ڈیزاسٹر مینجمنٹ افسران اور مقامی لوگ موجود تھے۔