تاثیر 24 جون ۲۰۲۵:- ایس -ایم- حسن
مشرقی سنگھ بھوم، 24 جون :جھارکھنڈ کے مشرقی سنگھ بھوم ضلع پولیس نے پہلی بار لک آؤٹ نوٹس کے ذریعے مطلوبہ شخص کو گرفتار کرکے ایک بڑی کامیابی حاصل کی ہے۔ امرناتھ گینگ کے سرگرم رکن نثار حسن عرف نشو کو قتل، بھتہ خوری، فائرنگ اور غیر قانونی ریکوری کے 12 مقدمات میں مطلوب تھا، بحرین سے واپس آتے ہی دہلی کے اندرا گاندھی انٹرنیشنل ہوائی اڈے پر امیگریشن چیک کے دوران گرفتار کر لیا گیا۔ جھارکھنڈ حکومت نے ان کی گرفتاری پر 50 ہزار انعام کا اعلان کیا تھا۔
یہ جانکاری سینئر سپرنٹنڈنٹ آف پولیس پیوش پانڈے نے منگل کو دی۔ انہوں نے کہا کہ ڈپٹی سپرنٹنڈنٹ آف پولیس نگر پرتھم بھولا پرساد سنگھ کی قیادت میں ایک خصوصی ٹیم تشکیل دی گئی، جس نے حکومت ہند کی وزارت داخلہ کے ذریعے ملزم کے خلاف ایک لک آؤٹ سرکلر جاری کیا۔ اس کے بعد جیسے ہی وہ بحرین سے ہندوستان واپس آیا، دہلی ایئرپورٹ پر امیگریشن چیک میں پکڑا گیا۔ جمشید پور پولیس کی تاریخ میں یہ پہلا موقع ہے کہ کسی مطلوب مجرم کو لک آؤٹ نوٹس کے ذریعے گرفتار کیا گیا ہے۔