تاثیر 5 جولائی ۲۰۲۵:- ایس -ایم- حسن
ممبئی5 جولائی(ایم ملک)عامر خان کی ستارے زمین پر، جسے ان کی مشہور فلم ترے زمین پر کا روح پرور سیکوئل سمجھا جاتا ہے ، اس سال کی سب سے زیادہ پسند کی جانے والی تھیٹر ریلیز بن گئی ہے ۔ 10 نئے چہروں کو پیش کرنے والی اس فلم کی کہانی میں ہنسی، جذبات اور امید کے امتزاج نے شائقین اور ناقدین دونوں کے دلوں کو چھو لیا ہے ۔ جب زیادہ تر فلم ساز اپنی فلموں کو براہ راست OTT پر ریلیز کرنے کا راستہ اختیار کر رہے ہیں، عامر نے اسے سینما گھروں میں لانے کا فیصلہ کیا، جسے ملک بھر کے سینما مالکان اور نمائش کنندگان نے بے حد سراہا ہے ۔ فلم نے باکس آفس پر بھی اچھی کارکردگی دکھائی ہے ۔ اس نے نہ صرف عامر کی حساس کہانی کو دوبارہ ثابت کیا ہے بلکہ تھیٹر میں فیملی کے ساتھ فلمیں دیکھنے کی اہمیت کو بھی ایک بار پھر سامنے لایا ہے ۔فلم کی شاندار کامیابی کا جشن منانے کے لیے ملٹی پلیکس نمائش کنندگان کی جانب سے ایک خصوصی شام کا اہتمام کیا گیا جس میں خود عامر خان نے شرکت کی۔ اس تقریب کے دوران جب نمائش کنندگان نے عامر کو احترام کے طور پر چھوٹی یادگاریں پیش کیں تو وہ لمحات سوشل میڈیا پر وائرل ہوگئے ۔