تاثیر 5 جولائی ۲۰۲۵:- ایس -ایم- حسن
بنگلورو، 5 جولائی: انڈیا ‘اے’ مردوں کی ہاکی ٹیم ہفتہ کی صبح یورپ کے دورے کے لیے نیدرلینڈ کے آئنڈھوون کے لیے روانہ ہوئی۔ یہ دورہ 8 جولائی سے 20 جولائی 2025 تک جاری رہے گا جس میں ٹیم کل 8 میچز کھیلے گی۔ کپتان سنجے اور نائب کپتان موئرنگتھم رابی چندر سنگھ کی قیادت میں یہ ہندوستانی ٹیم آئرلینڈ، فرانس، نیدرلینڈ، انگلینڈ اور بیلجیم جیسی مضبوط ٹیموں کے خلاف کھیلے گی۔
اس دورے میں انڈیا ‘اے’ ٹیم آئندھوون (ہالینڈ) میں آئرلینڈ، فرانس اور ہالینڈ کے خلاف دو دو میچ کھیلے گی۔ اس کے علاوہ ٹیم انگلینڈ کے خلاف ایمسٹیلوین (ہالینڈ) اور بیلجیم کے خلاف اینٹورپ (بیلجیم) میں ایک ایک میچ کھیلے گی۔
یہ دورہ ٹیم انڈیا کی بینچ سٹرینتھ کو مضبوط کرنے اور مستقبل کے لیے کھلاڑیوں کی تیاریوں کو جانچنے کا بہترین موقع مانا جا رہا ہے۔ کپتان سنجے نے کہا، ”یہ دورہ ہمارے لیے اپنی طاقتوں اور کمزوریوں کو جانچنے کے لیے ایک بہترین پلیٹ فارم ثابت ہوگا۔ ٹیم میں تجربہ کار اور نوجوان کھلاڑیوں کا اچھا امتزاج ہے، اور ہمیں سخت مقابلہ ملے گا جس سے ہمیں یہ سمجھنے میں مدد ملے گی کہ ہم کہاں کھڑے ہیں۔ بین الاقوامی تجربہ بھی ہماری اہم ٹیم کو مستقبل میں مضبوط بنائے گا۔”