تاثیر 29 جولائی ۲۰۲۵:- ایس -ایم- حسن
کمپالا، 29 جولائی: شریک میزبان یوگنڈا نے آئندہ کنفیڈریشن آف افریقن فٹ بال (سی اے ایف) افریقن نیشنز چیمپئن شپ 2024 کے لیے اپنے حتمی 25 رکنی اسکواڈ کا اعلان کر دیا ہے۔ یہ اعلان ٹیم کے کوچز مورلی بائیکواسو اور فریڈ محموزا نے پیر کو کیا۔
یہ ٹورنامنٹ صرف ڈومیسٹک لیگز کھیلنے والے کھلاڑیوں کے لیے منعقد کیا جاتا ہے اور 2 اگست سے 30 اگست تک یوگنڈا، کینیا اور تنزانیہ مشترکہ طور پر اس کی میزبانی کریں گے۔
سی اے ایف نے اصل میں 2024 میں مجوزہ اس مقابلے کو بنیادی ڈھانچے کی تیاریوں کی وجہ سے ایک سال آگے بڑھا کر 2025 میں منعقد کرنے کا فیصلہ لیا تھا۔
اعلان شدہ یوگنڈا ٹیم میں وائپرز ایس سی کے مڈفیلڈر ایلن اوکیلو کو ٹیم کا کپتان نامزد کیا گیا ہے، جب کہ جوئل موٹاکوبا اور راجرز اوچاکی توراچا کو نائب کپتان مقرر کیا گیا ہے۔
یوگنڈا کی ٹیم ساتویں بار اس ٹورنامنٹ میں حصہ لے رہی ہے اور گروپ سی میں اس کا مقابلہ جنوبی افریقہ، نائجر، گنی اور الجیریا سے ہوگا۔