تاثیر 13 اگست ۲۰۲۵:- ایس -ایم- حسن
غازی آباد، 13 اگست:اتر پردیش کے غازی آباد ضلع کے ہنڈن وہار میں کباڑ کے گودام میں گیس سلنڈر سے زہریلی گیس کے اخراج کے بعد کئی لوگوں کی صحت بگڑ گئی۔ انہیں اسپتالوں میں داخل کرایا گیا ہے، وہ خطرے سے باہر ہیں۔ گیس لیکیج سے لوگوں کی صحت بگڑنے کی خبر نے انتظامیہ میں خوف و ہراس پھیلا دیا۔
معلومات کے مطابق سلیم کباڑی کا گودام شہر میں دہلی میرٹھ ہائی وے پر ہنڈن وہار میں واقع ہے۔ آج صبح یہاں ملازمین گیس سلنڈر کاٹ رہے تھے۔ پھر زہریلی گیس کا اخراج ہوا اور کچھ ہی دیر میں آس پاس کے کئی گھروں کے لوگوں کی صحت خراب ہونے لگی۔ عینی شاہدین کے مطابق کئی لوگ بے ہوش ہوگئے۔ اس کے بعد کسی طرح سے چار متاثرین کو ضلع کے سرکاری اسپتال ایم ایم جی اور ایک پرائیویٹ اسپتال میں داخل کرایا گیا۔ فی الحال چاروں زخمیوں کی حالت خطرے سے باہر بتائی جاتی ہے۔ واقعے کے بارے میں اے ڈی سی پی پونم مشرا نے کہا کہ متاثرین کا اسپتالوں میں علاج کیا جا رہا ہے۔ معاملے کی سنجیدگی سے تحقیقات کی جا رہی ہے۔