تاثیر 01 اگست ۲۰۲۵:- ایس -ایم- حسن
پٹنہ، یکم اگست:بہار میں گزشتہ ہفتے سے مانسون کی سرگرمیاں جاری ہیں۔ موسمیاتی مرکز پٹنہ نے جمعہ کے روز بہار کے 9 اضلاع میں بارش کا الرٹ جاری کیا ہے۔
بارش کے ساتھ ساتھ ان اضلاع میں آسمانی بجلی گرنے اور تیز آندھی کا بھی امکان ہے۔ محکمہ موسمیات کی پیشن گوئی کے مطابق اورنگ آباد، گیاجی، نوادہ، بانکا، جموئی، ویشالی، سمستی پور، کھگڑیا اور بیگوسرائے میں آئندہ دو سے تین گھنٹوں میں ایک یا دو مقامات پر بارش ہوسکتی ہے۔ وسطی ہندوستان میں کم دباؤکا علاقہ بن گیا ہے جس کی وجہ سے مانسون جنوب مغرب میں سرگرم ہو رہا ہے۔
محکمہ موسمیات کی پیشن گوئی کے مطابق بہار میں 07 اگست تک موسم متحرک رہے گا۔جس کی وجہ سے بہار کے کئی اضلاع میں تیز بارش کا امکان ہے۔ بہار میں کم دباو? کا علاقہ بن گیا ہے۔ جس کی وجہ سے 07 اگست تک ہلکی سے موسلادھار بارش ہوسکتی ہے۔