تاثیر 12 اکتوبر ۲۰۲۵:- ایس -ایم- حسن
نئی دہلی ،12اکتوبر:بھارت اور ویسٹ انڈیز کے درمیان جاری دوسرے ٹیسٹ میں سنسنی خیز مقابلے دیکھنے کو مل رہے ہیں۔ بھارت نے پہلے بیٹنگ کرتے ہوئے 518 رنز کا بڑا مجموعہ بنا کر اننگز ڈکلیئر کردی۔ جواب میں ویسٹ انڈیز کی ٹیم اپنی پہلی اننگز میں صرف 248 رنز پر آل آؤٹ ہوگئی، جس سے بھارت کو 270 رنز کی اہم برتری حاصل ہوگئی۔ اس میچ میں ہندوستانی گیند بازوں نے شاندار کارکردگی کا مظاہرہ کیا۔
جسپریت بمراہ نے میچ کے تیسرے دن لنچ کے بعد پہلا اوور پھینکا اور کھری پیئر کو پویلین واپس بھیج دیا۔ ایک شاندار ڈیلیوری نے پیرے کو پوری طرح سے چکما دے دیا۔ بلے باز نے گیند کو روکنے کی کوشش کی، لیکن گیند براہ راست اسٹمپ سے ٹکرا گئی، جس سے وہ ہوا میں اڑتی ہوئی اور کافی دور تک گر گئی۔ یہ گیند بمراہ کے فن کی شاندار مثال تھی۔