تاثیر 22 اکتوبر ۲۰۲۵:- ایس -ایم- حسن
کولکاتہ، 22 اکتوبر:بھارتی صدر جمہوریہ دروپدی مرمو، جو کیرالہ کے دورے پر تھیں، بدھ کی صبح ایک بڑے حادثے سے بال بال بال بچ گئیں۔ مغربی بنگال کی وزیر اعلیٰ ممتا بنرجی نے بھی اس واقعے پر ردعمل ظاہر کیا ہے۔ انہوں نے انسٹاگرام پر لکھا، “ایشور کا شکر ہے کہ ہماری صدر دروپدی مرمو آج صبح اپنے کیرالہ کے دورے کے دوران ایک بڑے حادثے سے بچ گئیں۔ میں ان کی لمبی اور صحت مند زندگی کی دعا کرتی ہوں۔ یہ حادثہ پٹھانمتھیٹا ضلع کے پرمادم اسٹیڈیم کے ہیلی پیڈ پر پیش آیا جہاں صدر کے ہیلی کاپٹر کے اترنے کے چند لمحوں بعد ہیلی پیڈ کا ایک پہیہ تکنیکی خرابی کی وجہ سے گر گیا۔
ذرائع کے مطابق فضائیہ کے ہیلی کاپٹر کے بھاری وزن کے باعث ہیلی پیڈ کا ایک حصہ گر گیا۔ خوش قسمتی سے کوئی ناخوشگوار واقعہ پیش نہیں آیا اور صدر مکمل طور پر محفوظ ہیں۔ حادثے کے فوری بعد پولیس اور فائر بریگیڈ کے عملے نے فوری کارروائی کرتے ہوئے ہیلی کاپٹر کو محفوظ مقام پر پہنچا دیا۔