تاثیر 18 اکتوبر ۲۰۲۵:- ایس -ایم- حسن
نئی دہلی، 17 اکتوبر : نوامی اوساکا بائیں ٹانگ کی چوٹ کی وجہ سے جمعہ کو جاپان اوپن کے کوارٹر فائنل سے دستبردار ہوگئیں۔ڈبلیو ٹی اے ٹور کی جانب سے جاری کردہ ایک بیان میں کہا گیا ہے کہ جیکولین کرسٹیان نے میچ سے قبل اوساکا کی دستبرداری کے نتیجے میں واک اوور کے ذریعے سیمی فائنل تک رسائی حاصل کی۔ ٹورنامنٹ کے منتظمین نے وضاحت کی کہ ٹاپ سیڈ اوساکا اپنے دوسرے راؤنڈ کے میچ کے اختتام پر لگنے والی چوٹ سے مکمل طور پر صحت یاب نہیں ہوئی ہیں۔ یہ کرسٹین کا سال کا یہ تیسرا سیمی فائنل ہوگا اور کلے کورٹ کے علاوہ کسی اور سطح پر ان کا پہلا سیمی فائنل ہوگا۔ چوٹ سے پہلے، اوساکا نے واکانا سونوبے اور 2024 کی چمپئن سوزان لیمنس کے خلاف فتوحات حاصل کی تھیں۔