تاثیر 9 اکتوبر ۲۰۲۵:- ایس -ایم- حسن
شملہ، 9 اکتوبر:۔ ہماچل پردیش کے مختلف علاقوں میں موسم بدستورمزاج بدل رہا ہے۔ کنور اور لاہول اسپتی اضلاع میں ایک بار پھر برف باری ہوئی ہے، جبکہ شملہ اور ریاست کے دیگر حصوں میں آج صبح دھوپ نکلی، جس سے راحت کی سانس آئی۔ ریاست کے میدانی علاقوں میں تین دن کی مسلسل بارش کے بعد جمعرات کو موسم صاف ہوگیا۔ تاہم محکمہ موسمیات نے آئندہ 24 گھنٹوں کے دوران میدانی علاقوں اور وسط پہاڑی علاقوں میں ہلکی سے درمیانی بارش اور بالائی علاقوں میں برفباری کی پیش گوئی کی ہے۔دریں اثنا، حالیہ شدید برف باری کی وجہ سے قبائلی اور اونچائی والے علاقوں میں سرد موسم بدستور برقرار ہے۔ لاہول سپتی ضلع میں کم سے کم درجہ حرارت صفر سے نیچے ریکارڈ کیا گیا۔ کیلونگ میں جمعرات کو درجہ حرارت منفی 1 ڈگری سیلسیس ریکارڈ کیا گیا۔