تاثیر 2 نومبر ۲۰۲۵:- ایس -ایم- حسن
کھونٹی، 2 نومبر: تورپا مین روڈ پر گپتا ہارڈ ویئر کے قریب اتوار کو ایک بڑا حادثہ ٹل گیا۔ اطلاعات کے مطابق ٹرالر کے ڈرائیور نے گاڑی کو مہادیو فروٹ شاپ کے پاس سڑک کے کنارے کھڑا کیا اور پھل خریدنے چلا گیا۔ اسی لمحے گاڑی اچانک پیچھے کی طرف چلنے لگی اور تقریباً 200 میٹر دور کھڑے ایک ٹیمپو سے ٹکرا گئی۔ ٹکر اتنی شدید تھی کہ ٹیمپو مکمل طور پر تباہ ہو گیا۔ تصادم سے قریبی الیکٹرک ٹرانسفارمر کو بھی نقصان پہنچا۔ خوش قسمتی سے حادثے میں کوئی جانی نقصان نہیں ہوا ورنہ بڑا جانی نقصان ہو سکتا تھا۔مقامی لوگوں نے فوری طور پر جائے وقوعہ پر پہنچ کر صورتحال کو قابو میں کیا اور محکمہ بجلی کو اطلاع دی۔ پولیس نے جائے وقوعہ کا معائنہ کرکے مقدمہ بھی درج کرلیا ہے۔