ہماچل کے قبائلی علاقوں کا درجہ حرارت مائنس میں، میدانی ضلعےشملہ سے بھی زیادہ سرد

تاثیر 15 نومبر ۲۰۲۵:- ایس -ایم- حسن

شملہ، 15 نومبر : ہماچل پردیش میں ہر روز سردی کی شدت بڑھ رہی ہے۔ قبائلی علاقوں میں کم سے کم درجہ حرارت مائنس میں برقرار ہے اور کئی مقامات پر پانی کے قدرتی ذرائع منجمد ہونا شروع ہو گئے ہیں۔ جمعہ کی رات سے ہفتہ کی صبح تک کے درجہ حرارت کے ریکارڈ کے مطابق، لاہول اسپیتی ضلع کے تابو میں کم سے کم درجہ حرارت -6.6 ڈگری، کوکمسیری میں -4.1 ڈگری اور کیلونگ میں -2.9 ڈگری درج کیا گیا۔ قبائلی علاقوں میں درجہ حرارت میں مسلسل کمی کے باعث شدید سردی سے معمولات زندگی متاثر ہو رہے ہیں۔
راجدھانی شملہ کا کم سے کم درجہ حرارت 9.0 ڈگری درج ہوا، لیکن اس بار میدانی اضلاع میں شملہ سے بھی زیادہ سردی محسوس کی جا رہی ہے ۔ اونا میں 8.3 ڈگری، بلاس پور میں 8.6 ڈگری اور ہمیر پور میں 5.8 ڈگری سیلسیس درجہ حرارت درج کیا گیا، جو شملہ کے مقابلے کم ہے۔ جبکہ سندر نگر میں4.1 ڈگری اور بھونتر 3.1 ڈگری سیلسیس رہا۔ سراہن میں درجہ حرارت 7.9 ڈگری، کسولی میں 11.4 ڈگری اور پاونٹا صاحب میں 12.0 ڈگری رہا۔ ناہن میں کم سے کم درجہ حرارت 8.4 ڈگری اور نارکنڈہ میں 4.8 ڈگری ریکارڈ کیا گیا۔