تاثیر 3 نومبر ۲۰۲۵:- ایس -ایم- حسن
چترکوٹ، 3 نومبر : اتر پردیش کے چترکوٹ ضلع میں ایک خوفناک سڑک حادثہ پیش آیا۔
تین افراد جاں بحق اور پانچ شدید زخمی۔ حادثے کے بعد بس ڈرائیور اور کنڈیکٹر فرار ہو گئے۔ تمام مرنے والے بولیرو میں سفر کر رہےتھے۔ اتر پردیش کے وزیر اعلیٰ یوگی آدتیہ ناتھ نے واقعے پر گہرے رنج و غم کا اظہار کیا اور حکام کو زخمیوں کے علاج کے لیے بہتر انتظامات کرنے کی ہدایت کی۔
اطلاعات کے مطابق جھانسی-مرزا پور قومی شاہراہ پر ایک تیز رفتار بولیرو اور بندہ ڈپو روڈ ویز کی بس آپس میں ٹکرا گئی۔ بولیرو میں سوار تین افراد موقع پر ہی جاں بحق ہو گئے جبکہ ایک جوڑے سمیت پانچ افراد شدید زخمی ہو گئے۔ جاں بحق ہونے والوں میں دو بھائی شامل ہیں۔