تاثیر 2 جنوری ۲۰۲۶:- ایس -ایم- حسن
نئی دہلی، 02 جنوری: ریلوے کے وزیر اشونی وشنو نے جمعہ کو ممبئی-احمد آباد ہائی اسپیڈ ریل (بلٹ ٹرین) پروجیکٹ میں ایک تاریخی کامیابی کا اعلان کرتے ہوئے کہا کہ مہاراشٹر کے پال گھر ضلع میں ویرار اور بوئسار اسٹیشن کے درمیان تقریباً 1.5 کلومیٹر لمبی پہاڑی سرنگ (ماؤنٹین ٹنل-5) میں ایک کامیاب پیش رفت حاصل کی گئی ہے۔ یہ مہاراشٹر میں پروجیکٹ کی پہلی پہاڑی سرنگ ہے۔ وزیر ریلوے نے کہا کہ بلٹ ٹرین منصوبے کو 15 اگست 2027 تک مکمل کرنے کا ہدف ہے۔
وزیر ریلوے اشونی وشنو نے جمعہ کو یہاں ریل بھون سے ویڈیو کانفرنس کے ذریعے اس پروگرام میں شرکت کی۔ انہوں نے کہا کہ یہ منصوبے کے لیے ایک سنگ میل ہے۔ “اس پیش رفت کے ساتھ، تھانے سے احمد آباد تک کا پورا سیکشن اب صاف ہو گیا ہے۔ صرف ممبئی اور تھانے کے درمیان پانی کے اندر کا حصہ باقی ہے،” انہوں نے کہا۔