تاثیر 27 اپریل ۲۰۲۶:- ایس -ایم- حسن
پٹنہ، 27 اپریل: بہار میں تمام سرکاری پروگرام اب قومی گیت ’وندے ماترم‘ سے شروع ہوں گے۔ اس کے فوراً بعد قومی ترانہ بجایا جائے گا اور اس کے بعد طے شدہ پروگرام شروع ہوں گے۔ پروگرام کا اختتام بہار ریاستی گیت کے ساتھ ہوگا۔اس سلسلے میں جنرل ایڈمنسٹریشن ڈیپارٹمنٹ کے سکریٹری محمد سہیل نے تمام محکموں کے سربراہان، ڈائریکٹر جنرل آف پولیس، ڈویژنل کمشنراور ضلع مجسٹریٹ کو ہدایات جاری کی ہیں۔ ہدایات میں سرکاری پروگراموں اور تعلیمی اداروں میں گیت گانے کے حکم کی بھی وضاحت کی گئی ہے۔نئے نظام کے تحت تمام تعلیمی ادارے بھی دن کا آغاز قومی ترانے سے کریں گے جس کے بعد قومی ترانہ گایا جائے گا۔ اس کے بعد اداروں کی باقاعدہ کارروائیاں شیڈول کے مطابق دوبارہ شروع ہو جائیں گی۔ محکمہ نے عہدیداروں کو ان ہدایات پر سختی سے عمل درآمد کو یقینی بنانے کی ہدایت دی ہے۔ قابل ذکر ہے کہ 28 جنوری 2026 کو مرکزی حکومت نے قومی گیت کے احترام اور گانے کے حوالے سے ہدایات جاری کی تھیں۔