تاثیر 26 اپریل ۲۰۲۶:- ایس -ایم- حسن
کاٹھمنڈو ، 26 اپریل : آل نیپال فٹ بال ایسوسی ایشن (اے این ایف اے) کے صدر پنکج وکرم نیمبنگ سمیت 24 عہدیداروں کے پاسپورٹ کو بلیک لسٹ کردیا گیا ہے اور ان کے غیر ملکی سفر پر پابندی عائد کردی گئی ہے۔محکمہ امیگریشن کے مطابق جمعہ کو ای این ایف اے کے 24 اہلکاروں کے پاسپورٹ بلیک لسٹ کرنے کی درخواست موصول ہوئی تھی جس کی بنیاد پر یہ کارروائی کی گئی۔ یہ خط نیپال کی نوجوانوں اور کھیلوں کی وزارت کے ذریعے وزارت داخلہ تک پہنچا۔ وزارت داخلہ کے امیگریشن ڈپارٹمنٹ کو لکھے گئے خط کے بعد اتوار کوای این ایف اے حکام کے پاسپورٹ بلیک لسٹ کر دیے گئے۔
اس سے قبل نیپال نیشنل اسپورٹس کونسل نے اے این ایف اے سے متعلق معاملات کی تحقیقات کے لیے ایک تین رکنی انکوائری کمیٹی تشکیل دی تھی، جس کی صدارت ایگزیکٹو ممبر کمل بھٹارائی کر رہے تھے۔ بھٹارائی کے مطابق، کمیٹی نے مالی معاملات کی تحقیقات کے حصے کے طور پر نیبنگ اور دیگر حکام کے پاسپورٹ کو بلیک لسٹ کرنے کے لیے کمیٹی کو لکھا تھا۔
محکمہ امیگریشن کا کہنا ہے کہ اگر بلیک لسٹ میں شامل کوئی بھی شخص بیرون ملک جانے کی کوشش کرتا ہے تو محکمہ امیگریشن متعلقہ ادارے کو اس سے آگاہ کرے گا۔